سڪندر آفتاب خضر
سڪندر آفتاب خضر
سڪندر آفتاب خضر: نئين ٽهيءَ جي شاعر ۽ چترڪار، سڪندر آفتاب خضر ولد قاضي خضر حيات، 18 ڊسمبر 1975ع تي، رتيديري، ضلعي لاڙڪاڻي ۾ جنم ورتو. سندس تعلق هڪ علمي ۽ ادبي گهراڻي سان آهي. سڪندر آفتاب ابتدائي تعليم نوابشاهه ۾ ورتي. بعد ۾ هن بي. اي سول انجنيئرنگ جي ڊگري حاصل ڪئي، جنهن کانپوءِ هو گورنمينٽ هاءِ اسڪول سڪرنڊ ۾ آرٽ ٽيچر مقرر ٿيو ۽ هن وقت هُو نوابشاهه ۾ آرٽ جي استاد طور پنهنجون ذميواريون نڀائي رهيو آهي. هن شاعريءَ جي شروعات 1987ع کان ڪئي، شاعريءَ ۾ سندس چاچي قاضي مقصود گل سندس رهنمائي ڪئي. بعد ۾ مختلف وقتن تي نامياري شاعر عبدالحڪيم ارشد کان رهنمائي حاصل ڪندو رهيو. ’پريتم قاضي‘ جي قلمي نالي سان لکندو رهيو آهي. سندس شاعريءَ جو هڪ ڪتاب ’احساسن جا عڪس‘ ڇپجي پڌرو ٿي چڪو آهي. ان کان علاوه سندس ترتيب ڏنل هڪ مجموعو ’آجپي جي گيت جهڙي شاعري‘ پڻ ڇپجي چڪو آهي، جنهن ۾ هن پنهنجي استاد، برک شاعر عبدالحڪيم ارشد جي شاعري ترتيب ڏني آهي. سندس شاعري انور حسين وسطڙو، غلام شبير سمو ۽ ٻيا فنڪار ڳائي چڪا آهن.
لفظ سڪندر آفتاب خضرھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1975.12.18 عيسوي
سڪندر آفتاب خضر ولد قاضي خضر حيات، 18 ڊسمبر 1975ع تي، رتيديري، ضلعي لاڙڪاڻي ۾ جنم ورتو.
شخصيتون - ڀاڱي جون ٻِيون داخلائون
آلندي سيلويڊارجعفر خان جمالي
ڀڳتياڻي شانتي ديوي
خواجه امام الدين مجددي شڪارپوري
باگو چانڊيو
خواجه احمد عباس
پير غلام مجدد سرهندي مولانا
عبن فقير پلي دهلڙي وارو
پليجو مخدوم يعقوب
ديوان شيوارام ڏيون مل وزيراڻي